2023ko urte bukaeratik goiti, Iparraldeko eta euskarazko hedabideak biltzen dituen Euskal Hedabideak kolektiboaren barne diren - Herria eta Ipar Euskal Herriko Hitza - 2 astekariek, harpidetza kanpaina bat abiatu dute Euskararen Erakunde Publikoarekin (EEP) partaidetzan.
Partaidetza honi esker, EEPk bere gain hartuko du astekari bakoitzaren urteko harpidetzaren kostuaren %75. Horrela, harpidetza horiek prezio ezin hobean izanen dira, euskarazko prentsa idatzia babesteko asmoz.
Kanpaina hori Iparraldeko herritarrei zuzendua zaie, baita ere lurraldeko aktore ezberdinei: enpresak, elkarteak eta instituzioak.